網紅的藏寶箱其實啲舊雲（KUMO）甜品喺Club House嘅時候，已經有同大家講個話好有興趣去試吓！當時依家個上司同我講話文華酒店有得食呢個咁特別嘅甜品，所以一直想為咗呃likes去一轉！！
11點開門九點半開始派整理券，丫仁去到Cafe門口已經見到有七至八組人排隊，當時係閒日唔係假期！！點解仲可以有咁多人去排隊？我哋攞咗整理完之後周圍遊蕩下都差唔多時間嘅時候就去返Cafe等入座，我哋今日食嘅係櫻花士多啤梨味春天限定版！！我攞舊「雲」出去外面嘅時候，有個鬼佬舉手指公讚舊「雲」卡嘩兒（可能係讚我都唔出奇🤦🏻♂️）我哋都猶豫緊坐室內定室外會比較好啲，室內的話光線充足影相都會靚啲，但係室外就覺得有少少異國風情，最後我哋攞喺室內影兩張再出去室外影晒！！
味道方面確實係一般，放得入口唔難食嘅！真係同美○西餅嘅水準一樣但收我¥2200（hkd156)櫻花味道通常都會帶少少藥水味，但係呢個藥水得來好快變成士多啤梨味！ ！呢個係加分～裏面有士多啤梨冇士多啤梨醬同埋少少檸檬脆餅，晨早流流一舊開心share兩個食啱啱好！佢咁玩法應該每個月都有唔同嘅口味出都唔出奇，但係丫仁就覺得一次起兩次止，除非將來有朋友嚟到日本又好想去試吓，咁我都會陪你去食下嘅！（通常一pair pair嘅）
Search